المزاج
الموقع
العمل/الترفيه
في مثل هذا اليوم اختاره المولى عز وجل لجواره عليه رحمة من الله تعالى ومغفره
لا يسعني سوى كتابته ببحر ٍ من الدموع.
" أنسى واناديه "
صورتك ما غابت ولا لحظة عن بالي
اذكرك يا بويْ كل ما ضاق بي حالـي
مشتاق والله لشوفـتـك ..
مشتاق والله لضحكتك ..
مشتاق والله لضمتــك يا غالي
مشتاق لمزاح أطفال .. ترجع تمازحنـي
وان شفتني أخطـيت .. تيجي تخاصمني
كبرت عالتوبيخ لكن .. محتاجك توبخني
ودي امشط حاجبينك ..
وابــوِّس لك جـبينــك ..
ودي ابوِّس كل تقاسيم وجهك
خــدك .. قلبــك .. ايديـنك ..
ودي ابكي لك كل دموع العين
بس المهم ترجع ..
واعطيــك مـن عمـري سنــين
بس تعال وارجع
ابوك ماااات ..
ابوك ماااات ..
ماغير هالكلمتين صرت اسمع!
كيف اصدق .. ان ابويْ اليوم مات؟
واتحمـَّـل .. طعن الحزن والذكريات
كل يوم اروح لغرفته .. نفسي ألاقـيه!
كل ما نــــادى أذان .. أنسى واناديـه!
يا بويَ صلاة العصر ..
تغدَّى وروح اقضي صلاتك
يعاندنا كلنا ويروح ويصلي!
يا بويَ صلاة الفـجــر ..
ما تـنـفـعك بالظلمة عَصَاتك
يعاندنا كلنا ويروح ويصلي!
كان ديَّن ملتزم .. كان شـيخ وامام
كان بكل شيء جاهل وحافظ القرآن
ما ترك فرض ولا صيام ولا قـيـام
ماعلى شفاته غير بسم الله الرحمـن
في جبينه سجدته والتقى في نظرته
والصراط المستقيم دربه من زمـان
* * *
ليتني مُت يابويَ .. ولا عشت بيوم موتك
راضي أنا كل الرضا للقبر تحملني كفوفك
ليتهم ماغطوك بتراب .. وعيوني تشوفـك
كيف اسامحهم ؟
وكيف اسامحها يديــني؟
وهي تهديك التراب دفا
وانت اللي باحضانك تدفيني
وتسهر لـيـــن ما أغفى
سامحني يابوي سامحني
اذا اخطيت او قصرت في حقك
ما أجازيك لو أدفع حياتي
ثمن عطفك وسهرك وصبـــرك
أنا مالي بهالدنيا فلاح الا
برضاك ورضى قلبك وعفــوك
.
.
.
.
ابنتك الصغيره
